الشيخ حمو فخار اقن سمزوار نتدشلا نسقمان انغ الاصلاح اغرم نتغردايت ايلولد اسن 20 ديسمبر 1919 .
اتشرد اماس نقت تواشولت ندباب نوعزام يبدى اعزامس امزوار اغرم نقسنطينة اومبعد اوط غال وغلان ايرني دس اعزام اغرباز نتجوين تمجيدا نوجانا مان يحفظ القران يعزم لصول نالدين دالمذهب الاباضي مع التاريخ نوغلان .
الشيخ حمو يلمد سوفوس نمناو امقرانان اعزابان دسلمادن نوغلان انالشيخ حمو بن بابه صالح بابهون باحمد بن يعقوب . يعزم دخ سوفوس نالشيخ احمد بغباغة اقن سمقرانان نتمجيدا نوجانا دالشيخ بنوح مصباح.
الشيخ حمو يومن يغلب سالحركة نسقمان انغ الاصلاح دوصحح نمناو ابسون دفر انشار نالجهل دالبدع اغلان دوفوغ نمدان سوبريد ننتدت تامنان سمناوت الخرافات اجينت مدان تباعادن سوبريد نيوش امقران.
اسقس 1937 يولي غال لقرارة يعرض دس القران يوتف تدشلا نيروان المعهد نالحياة ايتوغ سمزوار ننلمادن مان اسقس 1946 يولي دمقران نالبعثة نلقرارة.
اسقس 1947 يبدى اسعزام اغرباز نالاصلاح نحواشة بعد ايقدى اعزامس المعهد نلقرارة اددول غال الفضل نولاي دوسزعم نالمستوى نوعزام انلمدان دتنلمادين تغردايت ال اديلي دالنائب نالمدير نوغرباز اسقس 1969 امبعد يولي دالمديربعد تماتانت نالشيخ صالح بابكر.
اسقس 1962 يوتف دالعضو نالحلقة نعزابان نتمجيدا امبعد دالكاتب اسقمو نامي سعيد. اسقس 1965 يوتف تفرنين نالبلدية يطف انشان دالنائب نالمير اتوفران سنت تتشال يطف انشان اقابل نلمور نمدان دلمور نالبلدية.
اسقس 1979 اسلفد المعهد نالاصلاح اوعزام نبوخس يرني اسلفاد اسقس 1986 المتوسطة نتبورخساتين تدولد دالمعهد دس المتوسط دالثانوي ايالفائدة نتروى نوغلان .
وني دقن المثال نمقرانان نوغلان اسبلان تمدورتنسان اوعزام دوسلماد دوقابل نلمور نالامة اضحى قاع الوقتس جار اعزام دتمجيدا دتعشيرت دفتشي نتمشراس نمدان ال تياوي يوش امقران دالامانة اسن الجمعة 17 جوان 2005 .
