محمد بن ابي الحاج ابي القاسم بن يحي المصعبي اتوسان سسم نحمو والحاج ايلولد اسقس 1635 م 1045 هجري تغردايت اتشرد اقت تواشولت نوعزام اماس ننعزمان ددباب نولماد ادقل غرس الفضل نوسلف نالنظام نوزوني نومان نسافان فتجموين نوغرم نتغردايت سقت الكيفية الان بارن دس المهندسين نالبنيان نتمورا نالدنت دفر انوض ادجين غال وماس نلبدوعات دتجموين.
تلا دن اقت العادة تدجور سبكري دين اساحي اضرى اش اسن الاثنين انفذوا انغ الصيف امار نالحمان اساحي ابدى بعد تزرنين ال تسمسين مان تفغان مدان ستم نستصمباد نبوشمشان ال املاقة انتنين دزاقان باسم الله يا الله يا رحمان يا الله يارحمان ارحمنا اديك حمو والحاج ايها يها اش الوقتو انملاقة دا امان انفعان اولسضورتان.
اسوتورن سيوش امقران باش اسديوي اقت الرحمة الان الوتسضروت انتفع انكال دالعباد مع ازوني ننفاش دوعزام نالقران اسوتورن سيوش امقران لمان الان تمدورت نوغلان.
افوغ غال ترجوين دغزران دقت السنة اتوغ امار نوسر نيوش امقران تزاليت غفس توغان تفغان غال ازوغار اسوتورن الرحمة سيوش امقران امار ترمزي اشاتنت دسقسن .
المقام نالشيخ حمو والحاج يوسد اخف نالغابة نتغردايت دنشان ندوملاقة دجرون ددنفاش دتزاليت دقن ونشان ايتوغ اتملاقة دس الشيخ حمو والحاج لوقات نوغاتي.
العادة نتوترى انغ الدعاء دقت العادة اتناف دكل انشان دقت السيرة الان زذغ الان اطفان دس ات اغرسان امغر الان اسوتورن يوش امقران انتاف الاعراس اجروان اتزاليت امغر يوش انى ادعوني استجب لكم .
الان مناو مدان اعزمان مناو لحروف توتفسان لمفهامت دولند تران مدان ستوترى اقارن دقت البدعة لاش اسس اننزذغ اخصصان العلم نالاخرة اولتعيدين فهمان انغ عزمان اجار نالشيخ اطفيش دلمثالس .
