الشيخ احمد قزريط ايلولد اسقس 1887 اغرم نتغردايت اعاش امار نالشيخ حمو باباوموسى اتشرد اقت تواشولت ندباب انوعزام دالقران الوالدنس رقبن دس اغسى انوعزام ادولماد اسيتفنت المحضرة اوحفاظ نالقران دالمبادي نالشريعة ال دزعلك يوتف سمزوران الحلقة نروان.
يتوغ احضر الحلقات نالشيخ حمو باباوموسى دالحلقات نالشيخ اطفيش ات ازجن ال دسافر غال تونس يد البعثة نات اغرسان غال الجامع نالزيتونة مان يرني ابوي نالعلوم نالشريعة دالعلوم نالدنت.
باحمد ادتشال يغلب ابو اليقظان دالشيخ بغباغة عبد الله دالحاج بابانو دالشيخ يوسف بن بكير اماشي اعاشر امقرانان نالزيتونة يبي اسسن العلم سمناو احرشان.يتوغ دقن سالاعضاء نترباعت نالراشدية تونس الموشحات يتوغ غرس اقن نالصوت ايبهى اسيوش يوش امقران.
دفر ايقدى اعزامس تونس يدول غال وغلان فوسس مناوت الشهادات تزعلاك انوعزام نختن تقابلنت الدكتورا نمارو.
اتوعين دالقاضي تدارت نتموسني نالاباضية قسنطينة مع انداهس يد توات اواعظ دالدروس نالشريعة مع اقابل نوسعزم نالبلاغة دالنحو دالصرف اغرباز نالشيخ ابن باديس .
دفر مراو نسقسان دخدام قسنطينة اوط غال وغلان مان يرني ابريد نوسلمد دواعظ دووش نالدروس العلوم نالشريعة امدان دنلمادان نات اغرسان يتوغ اتسافر يغلب غال اغرمان نالشرق دالغرب يوش امانس ارب دالدين.
بعد ايزمر مناو وسان اويت يوش امقرات دالامانة اسقس يور ناوت 1933 بعد ايسبل تمدورتس اربي دالدين دالقران.
