اش انفذو مع ولاي نالحمان تفغنتد تغوردام دتلافسوين سالغيران برسنت فومان دموشان ادسن تافزة اموني تمو دموشان اعمرن دسن مدان لحواش دجدلوان كرمنت اماس نسوشا اداحنابال دبسون اسخدمان مدان تمدورتنسان .
وني دقن الخطر بالخصوص فبورخس دمزانان مان ازدغات اتوسوقاس اقن وبغور المنيعة العمرس شارد نيارن وسدفاقن الوالدنس ال دمت.
الولاية نتغردايت اتوسجل دس اش اسقس جار الفين غال شارد نللوف نالحالات سغرمان نالولاية نتغردايت اتوسجلان دس ازدغات النسبة تزعلوكت نوسوقاس دين اغرم انقرارة س325 نالحالات دفرس تغردايت 236 نالحالات نوسوقاس.
اشرى امزوار ادتودجان دفر اضرى نقت تواغيت دين اقاي انمضون تامعالت غال اقن ستدار انتزمارت اقربان ادس اسوفار انغ المصل الان اترى السم نتغردامت دتلافسا.
سبسون دخ الان يلزم افمدان ادجان تيتي يغلب دين اززدق نالحالة دالقلت دوضبع نزبل اغولاد دموشان انوعمار مع ادرى نالقطران فيدران انتدارت اسوزغار اورى انوتاف انلهوايش غال وماس انتدارت.
