عمر اويابة اقن سمكراس انوغلان الان انده احرش نالروبوتيك دالتكنولوجيا دالاختراعات مان اوض ايارنو امدجوار غال اوسلف نقت الماشنة نوسلفاغ انتزدال النسخة فيداكس ادس قاع التقنينات تجديدين اتخدام وحدس اتوماتكيا انتها اتسقم الحالة انوزوز دالحمان دتفزا جاج نالماشنة .
امار انوقضاع نترسيتي اتضران طول غال البطارية ميضرى اقن المشكل اماس نالماشتة اتازن وحدس اقت تكيردة غال تلفون اتخبر سالنوع نالمشكل.
الماشنة تجددت اتشمر 180 انتزدال تششلت اقت اتوخدام ساللوح دالمادة نالبوليستار باش الحمان اولتفغان غال وزغار اتخدم وحدس بعد استف نقن وهيل انغ البرنامج انوخدام.
توني دقت سالاختتراعات ادسوفغ اويابة ايشره احرشو يلا غرس اقن ايمال ايزعم بات ادباب نريال ادوخدام اقلان غرسان بدان ادسان عاوننت مان الفايدة اتوزون جار المخترع ددباب انوخدام اوينمر نويتلنسان الاقتصاد.
دزير يلا دس يغلب ننعزامان انوني امبصح دم اتقمان فدس لاش حد ادقال غرسان ال دفان اماننسان اتوبين سوفوس نالكابنيات تزعلاك نالدنت ازغار مان تننو ادعاودنت ازنزي نالغلتنسان ايدزير.
