لعوايل انلوراس امقران ازهانت سقذفل اقلا يوثا ذي باثنت

أزهانت لعوايل انلوراس امقران لباس سي اثفل اقلا يوثا اوسناي اقعدان ذي باثنت سيرتو ذقذوران اقعلان ذي اريس، مروانة، اشمول ويطف خاطر يسمط الحال ويرن يوثا اغلانس اذفل يشت وارقينت لوايل سيرتو ذي العوطلت نالجمعة ذالسبث تحواسنت نهنتين ذالدريث انسنت وتصوارن خاطر غرسن لباس اذهنينش اذفل.
وألانت لعوايل اقلا اوسنتيد سقموكان بعذن ذي باثنت بشام اذزهان سي الخيراي سيرتو أيا اقلا اذوثينش ذيسنت اذفل، وحتى ماني اقسمط الحال لباس حملنت لعوايل الشياي خاطر ازهانت لباس سقذفلوالان ادريث اقلا خذمن قلي نتغاوسوين سوذفل واسرطناشن القش وصور اذسن امين اغنحكا الحاج عمار اقلا يسرق ادريث انتاروانس غنذورار انكوندرسي ذي واد الشعبة ويلفاسن اتيرارن سوذفل بشام اثروان مليح واذحوسن سالقيمت انس خاطر نتا يلا اخدم زيك لفلاحث ويزرا مليح اذفل مات اقتق ثمورا احياهنت.
الطموبيلاث خلدنت اموكان نبرذن وقارنت ومن بعد اولين لعباذ وحذسن اذورار ارطن ثقشابين ذعلاون خاطر يصمط الحال، والشياي يوعا لعوايل نميرا غنلعوايذ انزيك يخس ذاروط امتقشابين انيغ تركواث نالصوف انيغ اخذام نلمسال انيغ ذلوماكل انزيك املعيش ذلمحاجب ذلواكل اقزاقن.
وحتى الخلاث اوفينت الراي انسنت مليح ماني ارقنت وتيرارنت سوذفل امين اغتنا اسما اقلا اذخدم ذي المدريث نومان اقلا ثسبرذ اولنس نتا تسعفين انس والان حتى يا اقلا أتشين اذفل سيرتو اقداشن نالجامعة اقلا قران ذي باثنت واتيلين ذثمورا بعثنت سيرتو ذي الصحاري وتظيقن فوذفل.