تنعزامت مَامَّة بنت سليمان بَابَّاز

مامة بنت سليمان باباز دقت ستنعزامين تمقرانين نغزر انلمزاب تتشرد اماس نقت تواشولت انوعزام دالقران دتقدي ايوش امقران اموني اغرم نتغردايت اسقس 1863 م اتنجم اتستشر امزانان انوعزام فتغسي انوعزام دالاخلاق دالتربية توحديت.

مامة اتنجم اتحفظ اجار انوزجان نالقران تمدورتس اقن امار ايتوغ لاشغرسان التاولات انوعزام اتوغان اتعافارن اسون انجمان باش اطفان دالديننسان اسولغان اوال نيوش امقران امزانان باش اولقضاع سوفوسنسان.
اماشي اتنجم دخ اتعزام يغلب انلكتوب انالفقه دالتوحيد داللغة تعزام سوفوس انمناو امقارنان انالشيخ الحاج بابكر مسعود بهون بن موسى باحماني اومليشت امناو اضضنين مع الحلقات اتوغنت اتودجنت اغرمان.
اتوغ اتعفار يغلب اخدام دوعاون انمدان دتواشولين تصبر ادسان اتسيب ايالدنت تقال غال الاخرة ترزم تدارتس اوحافظ نالقران اتمزانين ادوس يغس ادلماد يعزم بلا اقن ودريم كل شيء يتوغ اودام انربي اتقم اتعافار دلان ال اديوض الاجالس اسقس 1931 م اويت يوش امقران غرس الامانة رب اترحم اوسع غفس.