سمدعدا انبذو نسقاس ماني اثولي القايلة لباس ذي ثمورث انلوراس سيرتو اسناي بذونت لعوايل رقلنت عنلبحوراث بشام اذكسنت قلي فولاون انسنت نهنتين ذالدريث انسنت سيرتو ماني اكملن الإمتحاناث امقرانن، والانت فرنت قلي نصوارد بشام اذرقنت العوطلت واذصيفنت ايسن فلجال مدريث اقلا اتحبان مليح احوس ذي لبحر اذومان.
لباس انلعوايل ذ لوراس امقران اقلا روحنت ديجا نلبحرواث اقربنذ باثنت،سرتو ماني اديوشا ربي اسناي سخانت تامقرانت ثقطع فيوذان اذرقن سي ثدار انيغ اذمحورك، وحتى لكليماتزوراث ولان اذنفعنش السخانتي اقلا ثوثا ذي باثنت استعجابش لباس ، الشياي كامل يدجا لعوايل انباثنت تسافرنت عن الولاياث اقلا ذيسنت لبحر وبذون تسافرن بشام أذحوسن قلي واذصيفن سيرتو ذالبحر نالولاياث غدقربن باثنت جيجل ، سكيكدة.
نسقسو قلي نلعوايل فشياي واننتانغ بلي لباس انلعوايل انلقاهنت بلي نهنتين اسقاس نوانت اذصيفنت ذي ثدار انسنت انيغ اذروحنت غنلماليث انست اقلا قربند انيغ اذقيم اذحطرنت لعراس بصح الدريث اقومان والحومان اسقاوينت فبذونت اسناي تواجذنت و أوزيك ألانت لعوايل اذتروحانتش طول لبحر خاطر ألنت اتصيافنت ذي الدوار إذنلعايلت ثمقارنت ماني غتمجمالن اوماث توماثين ذثداه نامغار امقران ، بصح ذلعوماي إنقورا ماني إقعمرن ادريث أنسنت اولان غرسن ثغاوسوين نتالكنلوجيا ولان اترحان لبحر خاطر اتاويند أسقاس كامل نهنين جمل الصوارد نالرحلاي .
والانت لعوايل تمسعاذ غرسنت إسعيفن انسنت انيغ لفاميلت ثتيلي ذالولايث انلبحر أهنتافذ أثهنان سالمشكل نننساي خاطر ديما اتنوسن غرسن،بصح يقلا أوغرسن حتى أذحد ديما كران أوتاوين إذسن كلشي سياي امطابونا ، لبسطاث، أدرواث، حتى القضيان ألحق نوسان إمزورا اتاوزيث سبانت، أولانت ألعيلاث لباس أتكلنت فالمدرياث أقلا خدمن غرسن، خاطر كل صيف اتقناسن المخيماث أترحان إذنسعيفن انلخذمت، ماني إتافن الفرصثاي ثحلا لباس بشام اذسفرحنت لعوايل ذ الدريث نخدامن.
