لعراس نشاوين ذي الدواور

احافظ فلعوايد ذ ابريذن انزيك ورعاذ غرس امكان غنشاوين

باتنة: حمزة لموشي

ورعاذ لعوايل انلوراس امقران تحفاظنت فلباس نالعداث ذالتقاليد ذي لعراس انسن سيرتو ايا اقلا اتموقان ذي الدواور، ماني ابتون لفراح سسمانت قبل وتمجمالنت لعوايل ي مونكل امكان سيرتو ايا اقلا بعذن واتساسند سقموكان بعذن.

 واذقيمن غنلهل نالفرح وايا اقلا تيلين ذين اتساند يومي واكالن ذين اتمعوانن ايذس ذقموقي نالمقروذ ذالقاطو واشخشوخ وحتى اوجذ ناللازم نالعرس امظبق ناطرشان واجمال انلوماعن واذسفان اقربي بشام اذيرفذ لمعاريض.
لعراس نالدواور ورعاذ غرسن امكان ذامقران غاشاوين وتحبان اهنحضرن كثر نلعراس اقلا اتموقان ذي لمدينت ذي ليصال انلعراس ماني ادتبان امعروض اروح الرسطورا اذيتش واذيروح، بصح لعراس نالدوار ذيسن ثغاوسوين انزيك ام ريحث نتمورث ذالرحابة ذبندير وحتى لوماكل نتمورث انغ امشخشوخ ارزيراوي والحنين وسلي والفرح اقلا يتموقا ذبرا ذي لجناناث اولهوى بلا لماشن نلغنا نميرا و لباس نتغاوسوين اقلا روحنت سي لعراس نلامود نميرا.
وبغير انشاخ فلعراس شاوين لازم ادنجبذ ثمورا انريس، وادي الطاقة، تيمقاد، اشمول، تكوت اينوغيس، كيمل ولباس نتمورا نذورار ذي لوراس امقران اقلا ورعاذ العرس غرسن يسوى اجمال نالفاميلت والفرح ايذ نالجيران اذسدرن لعوايد انزيك.
ويبتو العرس سوسان قبل ومن بعد اذروحن غنلماليث نتسليث اسقظان الازم نالعرس واساوين ايخف اسغرسن نهنين واثسفان ومن بعد اداوين لجهاز انس اقلا لحقنتيد قلي نالخلاث سي الفاميلت انتسليث ومن بعد اذتشاذين اذروحن واذثعشان غتسليث واسقنا لحني واذوثن فلاس لباس نالباروذ ومن بعد ادروح واذبذون نهنين الفرح انس بشام اذتشا ذين اداوين ثاسليث واذزهان ايذ نمعراض انس واذكملن العرس سالرحابة ذالحني نسلي ذي لعوايد احلانت او ورعاذ ادرنت ذي ثمورث انلوراس.

 

رأيك في الموضوع

أرشيف النسخة الورقية

العدد 19761

العدد 19761

الأربعاء 30 أفريل 2025
العدد 19760

العدد 19760

الثلاثاء 29 أفريل 2025
العدد 19759

العدد 19759

الإثنين 28 أفريل 2025
العدد 19758

العدد 19758

الأحد 27 أفريل 2025