اسن الاثنين 01 اكتوبر 1973 يرزم اغرباز نعمي سعيد تورس بعد الاعتماد اتزل نتنغلافت نوعزام اوسلف نقن المعهد نالاحرار تم نوغلان اوسعزم نالشريعة دالمبادئ نالمذهب الاباضي مع اهيل نالرسمي.
المعهد يبدى سوطون 86 ننلمادن ارزمان ابدى امزوارسن لقسوم الدور امزوار دفيد سن نالمتوسط امبعد بدان اش اسقس رنين انلمادن رنين ارزام نلقسوم ال اسقس 1977 مان انلمادن نالمعهد نعران الدورة نالامتحانات نالاهلية مان النسبة نوسعى توض 96 في المئة النسبة تج ادوان نالمعهد الان فتبجناناس الحاج داود حواش باش ادرنين غال دسات ارنين اسعزام الدور نالثانوي الفرع نالادب دالرياضيات مان ترباعت تمزورت نالباكالوريا تفغد اسن 06 جوان 1980.
المعهد اجور اهيل انغ البرنامج نالرسمي مع ورني نالشعبة نالشريعة دسلمد نالاصول نالدين.انوسحفظ نالقران دوطوف دالشريعة دون ادوسين المذهب الاباضي .
ادموان نالمعهد اولتين تمطوت مان رزمان مناو الفروع دمناو اموشان اوستقبل تنلمادين نالمرحلة نالمتوسط دالثانوي . تنن عزمنت اهيل انغ البرنامج نالرسمي مع اهيل نالشرعيات مع اسلماد نالتربية دقابل نلمور نتدارت دمناوت الحرف نوفوس.
المؤسسة نعمي سعيد دقت المؤسسة اولجي اسوس دين اسعى انغ استفنقن المقابل نريال اسوس دين اربى نتروى نغزر نوغلان فالديننسان دالعلوم نالدنت فلحساب نوهيل نالرسمي انلمادن غرسان اقت المكتبة دي للوفنالمخطوطات نقاع العلوم دالفروع اضضنين.
اماشي اتورني اقن التخصص دجديد العلوم الاسلامية المستوى ليسانس دقن وبريد باش ادرني غال المستوى اولين الجامعات ندزير.
المعهد دس مناو النوادي الرياضة دالاناشيد دالفلك دمناو انداهان اضضنين ايالفايدة ننلمادن.
ادقل اسم نالمؤسسة غال الشيخ عمي سعيد بن علي الجربي اتكلف باباس باش القرن فيد 14 ادياس غال وغلان اونشار نالعلم اسقسان اينشر دس الجهل دمنغان دالفتن.
المدة
ن40 نسقسان انجم المعهد باش ادسوفغ يغلب نالاطارات دسلمادان دالدكاترة الان خدمان تمدورت ديمال ندزير اش ح دالاختصاصس دوحرش الاندس اتعافرن سون انجمن.
المؤسسة نعمي سعيـد تغردايـت
تغردايت :الشيخ باعلي واعمر
شوهد:1381 مرة
