تحـونا نتـوات دالمراكز نوخدام نفغولان ايالفائـــدة نتقراولـة

اسقس 1955 مفهامان ادموان نتقراولة اوسلف نقت تمجروت نوخدام نفغولان اوعاون نمجاهدان الان اورارن دسوض نتقراولة غال وماس نغرمان بالخصوص تمنغغت دزير تمجروت توسلفى لجوايه نالقصبة تمنغغت ايجبى غفس العقيد عز الدين دالكومندان حسني توغان جرون تدارت نباباعمي اسماعيل بن مسعود سوغرم نتجننت اديوس اغلاد ديك ديكار انج فيدسمس . اسقس 1956 يوتف باباعمي يد تمجروت نوخدام نفغولان  ايسرس تحنوتس فوسن مجاهدان تدولد دنشان نمجاهدان .
 ستوات دخ ايسبل تحنوتس ايمجاهدان بن عيسى محمد بن سليمان  اتوس تحنوتس اغلاد نمصطفى فروخي وني يتوغ اتطف صناداق نالحوت اسكرامان اماسنسان البارود دالتاولاتنوخدام نفغولان اتاسند سالحدود نتونس دالماروك غال تحنوت نبن عيسى مان توزوناننت غال المراكز نوخدام نفغولان سسان المركز نبابا عمي القصبة .
ستحونا دخ اتوغانت ندهنت يد تقراولة تحنوت نعدون الحاج مسعود بن رمضان اغلاد نمحمد الخامس اماس ندزير ، تحنوت الحاج اسماعيل اسماوي اغلاد نابن رستم، تحنوت نجلمامي الحاج عمربن باحمد اغلاد نكلود ديفسي . تحونايو قاع دمناوت خلاف تم تشرقيت دتم تغربيت دتنري توغانت قاع دالمراكز نوسكرم دوزني نفغولان دوزال فالمراكز دسخدمنسان لجوايه نتمنغغت.
الاضراب نتام نوسان اسقس 1958 وجدان دس  اقن المخطط نوسدج نمناوت العمليات سوفس نالفدائيين ابدان ازوني نفغولان فمناوت تمو امصبح العسكر نفرنسا اطفان اقن سنناتزونان افغولان دفر اعذباس ازنز المركز نباباعمي مان اتوامان صدمان فتحنوتس اوفين يغلب نصنادق نفغولان دوزال دالتاولات نونغ اتوطف يد 12 نودموان نتمجروت نتمنغغتاسن 22 فيفري 1958 مان قاع الصحافة تساول سون اضران دوطوف نقت سمجراوين تزعلاك نوسواغ نالحالة اماس نتمنغغت.
العسكر نفرنسا بعد ومن ريبان تحنوت نباباعمي اوكران قاع االسلعتس مع اقن ومضان ايزعلك نريال حكمان غفس سمس اسقسان دالحبس . دفر سن اسقسان نتواغيت قضعان مناو توات باش ادعاودن ادرزمان تحنوت نباباعمي امصبح العسكر رزمان غفسان تفاوت انغين اكس نالوشول جارسان اقن اومزان العمرس اولقضع مراو نسقسان.
امزروي نتقراولة يشور سسماون نتوات ابدان يد ايتمانسان اجزائريان اودم نالاستعمار امبصح الكثرتنسان اولتنسنان مدان اولتوسجلان امزروي نتقرالة اماشي يلا حد وضض.