امحروس بالحاج بن عـدون قشار

اغرم نات بنور ادس مناو ننعزمان ددباب نالمعرفة انسول اس سومحروس انعزام الشيخ بلحاج قشاراتوسمى سسم نقشار اقارن بل اقن سمقرانان منواشولتس ايتوغ تمدورتس ايجرو تيلماي نيباوان دمناو ابسون اضضنين سومن اتوسمى قشار.
الشيخ بلحاج ايلولد اسقس 1924 اغرم نات بنور.اتشرد اماس نقت تواشولت نكرزان اطفان دالديننسان. باباس يتوغ دقن سمقرانان نكرازن نوغلان دقن سمقرانان دخ نالحلقة نروان .
الشيخ بلحاج يبدى اعزامس اغلان جار المدرسة دالغابة اتعاون باباس تكرزت يبدى اسافر غال التل العمرس 11 نسقس  ايوت مع باباس ازعلوك غال دزير مان استفت اغرباز  نالشيخ ابرهيم بن بانوح مطيازاغلاد نلالير اماس نتمنغغت يرني دس احفاظ نالقران المدة نسا نيارن يلمد دسن توتلايت نتعرابت دالشريعة .سن يدول غال اغزر نلمزاب يقم المدة تبزانت يدول غال دزير غال الشيخس مطياز ايقم دس المدة نسن اسقسان .
بعد ايقدى اعزامس اوط غال وغلان مان اسبل تمدورتس اوخدام نالمجتمع اعاون نوخدام نوغرم تيوزاوين اعمر نتمجيدا ابد يد لمكاريس اطفاسن فوس  اوخدام دوعزام اسلفد اقت تدشلا نمكراس اغرم نات بنور اموني  اسقس 1950.
امار نتقراولة يخدم يغلب اماس نات بنور اموني سوحسس دنوار نمدان فالخطورة نالاستعمار الان اسوس دين امساح نالهوية نالاسلام دتوتلايت د القلت نوتباع نتوامان دلعوايدنسان دون ادوين ادسان سوزغار. يتوغ غرس اقن الاتصال دوخدام يد الشيخ حمو النوري اغرم نات بنور دمناوت تمو.
اسقس ايرزم المعهد عمي سعيد تورس تغردايت اسقس 1973 يتوغ سمزوار نسلمادن العلوم نالشريعة مان انلمادن اتاسان سايولوا اغرمان نغزر نلمزاب دوارجلان دمناو انلمادن اتاسان ستموار نوزغار انليبيا دزنجبار دمالي دالنيجر.
اسقسان نالتسعينات امار ايتوغ الربراب اخدم اخدامس انغا دوصافا نمدان مان
الاجل نالشيخ بلحاج قشار اوض امار ايتوغ اقن اوسافر غال دزير امناو وسان
بعد ادوالس غال وغلان مع وبريد اوض تم اسقارن بوتركفين مان يملاقة
يد اقت ترباعت نالربراب اتصلح ابريد اتلاقة امدان بالخصوص توات اموتان دس مناو جارسن الشيخ بلحاج قشاراموني اسن 07 اكتوبر 1996/ 23 جمادى تمزورت 1417 ه . الشيخ بلحاج الان ادياتف تزكرة نمحراس ندزير .