الدكتور مصطفى صالح باجو دقن سنعزمان امقرانان ادجين انشاننسان احرش نوعزام دوسلماد يقضع يجد انشانس دفر ادج اقت تخزانت تشور سلكتوب اعنان قاع العلوم نالدين دالدنت..
اعاود االف لكتاب نابو يعقوب الوارجلاني دالفكرس اتيقان يد الفكر نابي حامد الغزالي احرش نالعلم داصول نالفقه . اماشي يوري فابو يعقوب دالاصولس يلا غرس دخ لكتاب نمنهج الاجتهاد الاباضية ايوي سس الدكتورة اسقس 2005 مسقط تمورت نعمان. غرس دخ لكتاب نومزروي نالشيح عبد الرحمان بكلي معجم نالاعلام نالاباضية مع يغلب نخدامان اضضنين اتونشران تمدورتس.
مصطفى ايلولد اغرم نتغردايت اسن 18 اوت 1964 يرني اعزامس اغرم نلقرارة مان يعرض القران اسن 08 اوت 1977 ايوي البكالوريا المعهد نلقرارة اسقس 1983 سني يقضع غال الجامعة نالسعودية بعدس يدولد غال دزير طول غال الجامعة الامير عبد القادر قسنطينة مان اوي دس لاليسانس الشريعة .
اسقس 1988 يقضع غال الجامعة نالقاهرة مان ايوي دبلوم نالدراسات اولين يورنجويلية اسقس 1990.
سني يدولد غال دزير غال الجامعة نقسنطينة دخ مان اوي دس الماجستير اسن 08 جوان 1993 البحث ايدج فابو يعقوب الوارجلاني .
اسن 06 ديسمبر1999 اوي الدكتورة اصول نالفقه البحث ايدج فوبريد نالاجتهاد الاباضية.قاع امني اولبريد سوعزام دولماد اعاود اسافرغال تمورت نعمان اولماد دوعزام جار 2002 - 2003
تمدورتس ينده اماس نالجامعة ندزيرايتوغ دقن سالاعضاء نوسقم نوعزام نالجامعة نقسنطينة اتوغ دقن سلعضاء نتنغلافت نتغوسوين نالدين اسقس 2002 دقن سلعضاء نالمجلة نالجامعة نالامير عبد القادر قسنطينة .دقن سلعضاء نوسقم نتدوتشل نالتراث نوغرم تغردايت.
انجم المدة تبزانت العمرس باش ادج اقن تشموست نوعزام ايتزعلك تمدورتس اعافر اسافر غال ايولوا تمو دتمورا جار عمان مصر قسنطينة فنجال نوعزام ددولماد دنور نمدان سالعلم امبصح يوش امقران انايس بل الوقت اوض مان تنفوتس تولي غال اوجانا اسن 10 افريل 2015 اويت يوش امقران دالامانة دفر ايزمر رب اترحم اسوسع غفس ما نيلا.
