تروحن أذان ندزاير غو ساناي بوها غل البحر ماني تلاقان الراحث أنس و تسورحن فرواح أنسن و سلخصوص ذي الوقت آغ أزر أمورث أنغ أوسان حمان بوها، و حتى لاقان أمكان يحلى من غير لبحر ذي بوها ني موكانن .
بصح غير اروحنت لعوايل نتمورث ندزاير غلبحر و سرسن القش أنسن تلاقن أمان أنس يوسخ و ذيس بوها نتغاوسوين آغ يطيشنيهن أوذان ام لقراعي نوامان الكيسان ،الدخان، النيلو، ماني يسمخجن لبحر و تولى شران لحالث سعفان ، و قيمن أوذان زرن ذي الشي آي آغ حتى فهمن مانيس يوسيد و نهني ىغ أوسيدن باش آعومن و أسروحن .
و الحالث آي ماشي غير ذي وامان نالبحر و نتلاقات ثاني ذي الرمل ماني يكثر لوفاح خطراش أوذان داسن و طيشن الماكلث أنسن ذي الشط و حتى تاوين الزبل أنسن إنيذسن ، و تلاقان ذيس القراعي الكوارط ، ايشكارين نالنيلو آغ لسقن ذيس لحشاوش نالبحر آغ يريا سلمواج .
و قارن أوذان آغ داسن بلي لازم غير أيدياس ويط باش آيسرثاح لازم فلاس آينظف آمكان أنسن و ياوي الخماج أنيس إنيذس باش آيقيم أمكان ذي نظيف دايما ، بصح قارن بلي المشكل دايما ،يذ الغرزة آغ داسن و تجن كلش ذي الشط و حتى تناقان أموكانن أنسن ولان حتى آغ تاودن إنيذسن إيطان و الشي ىي حتى يتولام الحرمث لعوايل .
