السوق نلالاعشو دقن سلسواق الان مشهورين ادزير ادوزغار فنجال نوطوف دمناوت لعوايد الان لاش انشان وضضن تمورتنغ.
السوق يوسد اداي نوغرم نات ازجن دقن ونشان اتوخصص غير اوزنزي ادوسغى دوملاقة ندباب نوغرم اموني دفر تكزين اومبدال نسلان دورقاب نبعضهم.
السوق اتوسمى سسم نقت تمطوت سوغرم نات ازجن اقارناس لالاعشو توني دقت تمطوت اتسبل ايتليس اوحفارنقت ترست اماس نالسوق نات ازجن توشيت الحبوس نتمجيدا اتكفر فالذنباس امغر اولتزول اقت ستزاليتين الوقتس.
السوق اتورزم دفر تكزين اتورجال قبل تسمسين تاسناسد سايولوا تمو اناف دس ازرابة دالتاولات تكبار دبسون اسحقان مدان تمدورتنسان . اماشي اناف ايدران نالسوق تحونا دمناوت تزقوين انغ البيروات جرون دس ادباب نوغرم دنشان نوملاقة دمبدال نسلان دالاخبار نتجارة دون الان دجديد اغرم.
السوق نلالاعشو دالسوق ادقمان اغلان زذغ يلا اطف دالدلالة انغ العادة نوزرام نالسوق دفر تكزين اموني سووش نقن سمقرانان نتمجيدا الامر اودلال باش ادرزم ازنزي دوسغى ادبدى اتنض فالسوق اقت السلعة فوسس اسيوش اقت السومة اتبدى اتالي سمشتاريان الان قمان ايدران نالسوق ال اتاوض اقت السومة الان لاش حد ادرني ادزاقا الله اربح شارد نتشال اتقضع غال باباس.
السوقو اتاسناسد سايولو تمو نالدنت باش ادرقبان فورجان تغوس نوزنزي ادوسغى نبكري مع انوض غال المتحف دالبرج نبوليلة دمناوت تمو الان دالتراث نات اغرسان تسشان تغرم دالاصل نات مزاب تم نوغلان.
