آطبسي نتروينث غن مامك قارناس إيعرابن البسيسة ، بصح الماكلث آي أسنيت بوها إيمازيغن ونهني لهل أنس و انهني آغ أينيت ، سي قشقشن و لعدس و الحبلة ماني رحانيت و تخلطنيث إنيذ نزيت نوزمور ،و ألان آغ تغناس ثيني و آ زارث آغ هقور، و تسيغنيت إينجيون سواغي آشفّا غن الرايب .
آروينت غرس الفايذث بوها ، ماني آلاّن لجدود أنغ ذي صحيحن حتى و لوكان يطيق الحال فلاّسن خطراش ألاّن تتنيت و سلخصوص غل إيمازغن ، و نتلاقات بوها غل لإإيشاوين حتى غالتل ذي لحدود نبسكرة ، بصح لوق غل إيشاوين تتن بوها آروينث نآغادير آغ تغنيت سي إيرذن غن نتمزين و تغن ييس آزرير ،الزيراوي آغ تتيث بوها النافسا باش آيولا أغرس آغي و تسوط الصغير أنس و بلا ما آتاغذ سغ لّوز و ثاني باش آترفذ الصحث أنس .
و هلوشي آروينث الماكلث ني ازيغن آغ تحملنيث بوها نوذان و حتى الغروزا و ماشي برك إيمقرارن خطراش ثي بنين و الريحث أنس مالا هشوميث إيلداين نوذان توطان ، و ماتّا با نيني فاغ تحملنيت ، و آتقيم دايما سي لمواكل ني مازيغن هقين و هلوشي تاذف دايما ذي لعوايذ أنغ ، خاطراش غرس الفايدة فآدواس نوفغان و سلخصوص مالا أشينيت سي الصغر .
