هذسعبن أذتشا الحد، دريث وإقداشن نجزايرين لمتحان نالباك أقلا ارجانت لعوايل كامل بشام اذهنانت دريث انسنت قعمرن وخلدن اس هذسعقبن الباك واذنجحن واذعدان الجامعة وفلجال نوسناي لعوايل انلوراس امقران غرسن لباس انلعوايد ذالتقاليد اتقنهتنت بشام اذعبرن فالفرح انس و اذطلب ربي سبحانو بشام اذنجحن دريث انس.
وثقار الحاجة بلعيدة اقلا غرس لباس ندريث اسعقبن الباك ذي لعواماي إقفاثن بلي توجاذنت قبل لباس اقس امزوارو نالباك ماني اتقنت اطمين ادريث القلا هذسعقبن الباك وسرذنتاسن القش انسن وتعوسانهنت مليح ذإقيطس وذالماكلت ولباس نتغاوسوين ويتيلي اقداش اقلا هذسعقب الباك نت ذالامير والشاف انتداه والشياي كامل بشام نت اذيوش إخفنس برك إلقراي وأذينجح وأذسفرح اخامن انس.
وسثغاوسوين اقلا ورعان اتحفاظنت فلاسنت لعوايل انلوراس أمقران أوشاي نالسوكر أققداش زيك نتصبحيث قبل مهذيوقير وبغير أذيرق أذفرغنت السوكر أغلا أنس بشام اذيزيط واس انس امسوكر واذيخذم مليح ذلمتحان.
وبغير أذيرق بتونت اتقنت اطمين واذوشنت اقعشيرن أقلا غرسن اقداشن هذسعقبن الباك اقنهنين، بشام اذفرحن كامل امين اغنتقار الحاجة بلعيدة أقلا غرس لعمر لباس ذي لخذمتاي، وزيك ولانت لعوايل اتوتشنت لحلاواث اققداشن بشام اذسيزز ربي اس نلمتحان ذين.
وذي الولايث انابثنت ينانغ مدير تربية انباثنت عبيدات لحبيب بلي أذتشا الحد هذسعدان كثر نـ32 الف نقداش جار النضاميين ذالاحرار الباك ذي 70 نالمراكز ماني اثوفر الولايث انباثنت كل الخير بشام اذسعدان لمتحاناي ذي الظروف احلانت.
