تمجيدا انتوات ادوسين اغلاد انطجة اماس ندزير اتوبنى القرن فيد 17 ميلادي يعني اسقس 1810 امار نالعثمانين سوفوس انتوات التجارافكران ابنى نقت تمجيدا اتزاليت ادوجراو انتوات دنشان ندوملاقة دمبدال نسلان دمعاون جارسان لمور نالدين دالدنت.
انشانو اتوخير اماس ندزير دقن المركز انتوات اسشن تكبوري نات اغرسان اماس ندزير اتوغان خدمان اسيجوران احرش نتتجارة نوغرم ندزير سبكري. اماشي اتوخير دخ دنشان نوسعزم دوسلماد نمزانان القران دالشريعة دمزروي نالاباضيين باش توات ندزير ادقمن دم اطفن دالمذهبنسان دالاصلنان دتواتنسان .
انشانو ابنان دس مناو المرافق اضضنين تابعين غال تمجيدا امناوت تزقوين ايمسافران دوس انزل دزير اوقدى نتغوسونس ادلمورتس اماشي اناف دس دخ اقن اوغرباز اوسلماد دوسحفظ نالقران سوجبى نمناو نات رب الان بدان بشان اوسجوري نتغوسوين نتمجيدا دون اتسحقان مدان تمدورنسان.
اسقس 1974 توسلف اقت تدشلا اسوس دين الهى دقابل نتواشوليت نالاباضية ادتشرنت اماس ندزير مع اقابل نتغوسوننسان دوقربنسان يد توات انوغلان باش ادقمان دم اطفان دالاصلنسان بالخصوص امزانان.
اماشي اناف المركز اقت تضلست دس قاع لكتوب اسحقان انلمادان بالخصوص انلمادان نالجامعات اقصدن المكتبة سكل انشان اوعزام دومبدال نسلان انوغلان.
المرفق زذغ يلا اخدم غال امارو اتومول سوفوس نات ربي الان تزلان خدمان باس تمجبدايوا اترني اخدامس الاجيال اداسن.
