هود بن محكم دقن سمقرانان نالاباضية اعاش القرن فيد تس الميلادي القرن فيد شارد الهجري تم نالاوراس ستعشرت نهوارة نمازغان نالشاوية اتشرد اقن امار اتوغ دس العلم ينشر يغلب مع الطثرة ندباب انوعزام وني يلماد سوفوس ننعزمان امار ايتوغ باباس محكم دقن سنعزمان نتم نالاوراس ختن ايزعلك ممس هود يوزنت باباس غال تاهرت مان يرني اعزامس سوفوس ننعزمان امار نالدولة نالرستميين.
اماشي يعزم دخ القيروان دوغرم انسبتة ايتوغان دموشان انوعزام دموشان انتفاوت انوعزام تشور سالعلماء دسلمادن .توغان دموشان ندملاقة نالمذاهب ادوعزام ادولماد .
باباس نهود اتوغ دقن سمقرانان اموسناون يتوغ دقن سمقرانان نتموسني نوغرم نتيهرت امار نالحكم نالامام افلح بن عبد الوهاب.
هود بن محكم اتوسان سلكتابس نوفسر القران اسماياس .تفسير كتل الله العزيز. دقن سلكتوب امزوار افسرن اوال نيوش امقران.لكتابو يقم المدة نمراو دقن نيلان يكرم اماس نتخزانين اولادحد اولسين غفس ال دفغ غال تفاوت اسقسنو امدجورا اتووف اقت ستخزانين نغزر انلمزاب.
اسقس 1990 اعاود احققت بلحاج بن سعيد شريفي اقت الطبعة توحديت ناكس نالمجلدات اجروتن المجلد اقن .لكتاب دقن سالمراجع نالاباضية افسر نالقران ديغلب انتمسال الان دسنت الخلاف يد المذاهب اضضنين.
