الولاياث انلوراس امقران تواسنت سلباس نتغاوسوين اقلا توخلقينت ذيس وعرمنت امشجر نالمشماش ذالتفاح وحتى الكرتوس بصح ذيسنت سيرتو ذي باثنت لباس نتجرين اقلا اوازونت ذي لعوماي انقورا وذيسنت الخير ذامقران خاطر لمطر ذي لعوماي انقورا ثولا ثقل وثمزي ذي باثنت الشياي يدجا افلاحن ذالمواطنين اقلا تعاشن ذي الدواور روحن غنزاو نتجرين نوزمور اقلا اذتحابنتش امان لباس بصح اتوتشنتيد الخيرذامقران ذي الزيتون اقلا يتوعصار ويسراقد الزيث نالزيتون اقلا ذيس الدواء ذامقران سيرتو المراض نعديس.
وذجرن نوزمور تيلينت سيرتو ذي البلدياث انباثنت امتلاطو نقاوس بريكة وسقفلاحن اقلا تحبان ثجرين نالزيتون وتهلاين ذيسنت مليح نوفا عمي محمد اقلا غرس لجنان ذي الدوار انغاصرو ماني اقزو لعوماي اقعدان ثجرين نالزيتون بشام اذحافظ فومان اقلا الان ذي البير انس واستفاد مليح سثجرناي سيرتو ذي الوقث انلخريف ماني ادتكس ابدان عرمن سي آغ زمور قلي تقن ذي ثبدان وتقناس قلي نالخضرث ذالملح اومان ذالخل بشام اثتشن بغير اذيوم وآزمور اقلا ينفويا ويتواوث اجمليث عمي محمد امين اغننا ويتاويث المعصرة نوزمور بشام اذتورحا واديرق سيس الزيث أنس ثحلا لباس وثتموقا ذالدواء نوعرابن سيرتو ادريث امزيانن انيغ لمراض نالمشتا ذعديس ويتحباث مليح اذموق ذي الماكلت واثيتش.
وماني اثنسقسو مامك اكتزو ثجرين نو زمور ينانغ بلي نت يتحبا ادسغ ثجرين تمزيانين واسنتحفر قلي نالحفر بصح لازم امكان اذيلي يوسع ويقعمر ويحلا
جار ثجيرث اتيشت ومن بعد اذقر ثجرث ذين واتغطا سشار بعد مهاسيق قلي نالأسمدة انس واتتعوسا اذثهلا ليس مليح بغير اتقعر قلي واغلا نعامين تلاثة انبذو انتكس الزيتون واثناف يحلا مليح .
