الولاية نتغردايت يلا دس تمورا نتكرزت اوللينت انشان وضضن بالخصوص لجواية نحاسي لفحل دالمنصورة دالمنيعة مان ادباب نريال ادوخدام ادجورن تطفان تمورا اتوسعان تكرزت اطفان للوف نالهكتارات نكلان دينت يغلب لرهاط نغمايان.
تمورايوا ابدانت اسقسن امدجورا اتقاحارنت تمورا انواد سوف مان اسقسو الغلة نالدلاع توض دكل انشان تمو ندزير .
اكرزان اوفين اماننسان دفر التجرية انمناو اسقسن اونتد تضفوين ايزعمانت تمورا تزقاغين دالوجد انومانن 29 الف هكتار توسرسنت سوفوس نودموان نتكرزت نالولاية ايالفائدة نمكراس ادوس يغس اخدام نتمورت دقاع البلديات اماشي الانت 95 نالمحيطات نتكرزت خدمنت اونتد تضفوين توحديين ستمو الان دخ ايوينتد تضفوين توحديين احرش نتكرزت تم انلقرارة الان تدولد تمزوارت الولاية نتغردايت الغلة نوغي دوربى نتفوناسين دتغات ادونكال نالعلف مع يغلب انتداقين انوزمور دالمايس دتشين .
الولاية نتغردايت تلا اتقل اتاوض غال الغلة 25 مليون لتر نوغي اوسقس بعد ايتوغ غير سن لملايان اسقس 2000، تم المنيعة الان تدولد دنشان انوكال نمندي سوفوس نمناو ندباب نريال اوطان سالتل غال تمي اتنجم البلدية باش اتنافس مناوت تمو نتكرزت التل مان الغلة تاوض غال اجار 05 الاف قنطار ايالهكتار.
اماشي الانت يغلب نتمو نتكرزت دخ تم انتجننت دنتيسا ادلعذيرة بريان واد نشو مان ادباب انوخدام دكرزان الان اتعافارن لازن دخ امعاون اوقاي نالتكاولوجيا اسوزغار الان تلزم اورني دوسزعم نالغلة تمورتنغ.
