نازور نوغلان ـ عمر داودي

عمربن يحي داودي ايلولد اغرم نات بنور اسقس ١٩٥٦ يبدى اعزامس امزوار
اغرباز نالنور بعدس اغرباز نالشيخ صالح داودي مان ايوي الشهادة تمزورت اسقس ١٩٧٢.
 انزور داودي يتشرد اماس نالفن يوشس يوش امقران الموهبة نالصوت دتيرى نزلوان بالخصوص دفر اتافس فوج النور نالكشافة ابدان ادس اودموان نترباعت اتعونان ايجور مناو ادسلان ازلوان بعد اوفين غرس الموهبة نالابداع.
سسان يواس داودي ابراهيم بن يحي .اسلماد دودو صالح بن بكير. دسلماد اسبع يحي بن عيسى. دسلماد حني قاسم بن محمد اماشي يوتف دخ ترباعت نالنور ابدى نالسبعينات ايرني دس ابوي دولماد.
 ابدس امزوار دسات مدان انغ الجمهوريضرى اسقس نالسبعينات يعزم دس لبيات نومدياز صالح باجو اسقارن-   يامعهدي - االف القصيدة تمزوت العمرس ١٥ نسقسان العنوانس   -رمضان.-
 اسمس ابايند اقضاعس تنب نالحديقة الساحرة تلفزيون اسقس١٩٧٢ .
يقضع  دخ تلفزيون اسقس ١٩٧٨ دتنب -عادات وتقاليد -مان يعزم دس البتت
- الصلاة على النبى  ستوتلايت نتومزابت.
 اسقسان نالثمانينات ختن يتوغ اخدم تمنغغت اسلفاد يد مناو امكراس تدشلا نجم الادب الاسلامي دقن اوغرباز ادسوفغ يغلب نودموان نالفن
دقاع اغرمان نغزر نلمزاب.
اسقس ١٩٩٢١٩٩١ يبدى اسقضع نقت تنب انلاس فيدسن ندزيراقارنس
-تدَارت نسمَس ومَودن- دتنب- أغربال أمشرشار- اسوس دين ابراس نتغرم دالتراث الان تم نوغلان مع احافظ ستوتلايت نتومزابت .
اماشي الحان مناوت القصائد ستومزابت دتعرابت.
غرس سمس نالاوبرات يد تدشلا نالنجم الادب الاسلامي اسجل اقت أوبيرات العنوانس - عظيم أخفاه التواضع - نومدياز سليمان دوَاق اللحن نعمر داودي المناسبة نوقضاع ٥٠ نسثسان نوسلف نوغرباز التوفيق القرآن يد الحاج بعيسى بن داود جوان ٢٠٠٤م
- إسوفغد سا نسجلان دمناو انداهان ينعر دمناو المهرجانات دزيراتووشس مناوت تفرى دالشيعات سون ايخدم تمدورتس .