باية انغ بي حمو دقت ستناعزامين تيمقرانين نوغرم نتغردايت اتسبل تمدورتس اوسلماد دوسحفظ نالقران دوسلماد نتزاليت اتمزانين مع اسدج نالختمات دوقابل لمور انتمسردين .
بي حمو ترزم تدارتس اقاع تسادنان ادوس يغس ادسستان الدينس انغ لمور نتمدورت مع اعافرس اوفتشي نتمشراس دومصالح جار تواشولين مع اسعزام نتبورخساتين تدارتس اوسلماد نتزاليت مع اسدج انوسان نوواعظ بالخصوص جار تسمسين دتنيضاس انغ غبش بكري.
توني دقت ستمقرانين اسقسان نالسبعينات اتنجم باش اتسلماد تسوفغد سوفوسس يغلب نتناعزامين دتنني احفظنت القران . اماشي الانت دخ مناوت تمقرانين تضضنتين تعافرنت اتضاحانت ايالفائدة نالمجتمع دتمزانان باش ادرنين ابريد ادجين امزوار تمدورتنسان دين ايجور ابريد نيوش امقران دالسيرات دالاصل نات اغرسان الان يبنى فالدين دتقدي انربي.
اوسان اماروا الانت اقمنتد تنعزامين انتننو توظهرين سبلنت اماننسنت اوخدام نالدين دالمجتمع.تغردايت: الشيخ باعلي واعمر
