اغرم انبرقان دقن سغرمان نغزر انلمزاب امزوار ايبدى دس اسدر نلعراس انيغلب مان العرس امزوار ايجروا تسد مراو نسلان يضري دفر تمنوننت ندزير اسقس 1962.
العرس يضرى بعد ادوال نالبعثة ننلمدان ستونس اتودجايسان اقن العرس ايزعلك دمزوار اغرزر انلمزاب.
العادة نلعراس فمارا تلا زذغ تدجور غال اماروا اغرم ابرقان مان لعراس ضران سنت تتشال اوسقس يور نمارس اديور نديسمبر ساعات يور نجويلية دخ مان ضران لعراس دزعلاك جروان ساعات ال 80 نسلان تتشلت اقت جرون دس تروى انمناوت تعشرين دتدار اتملاقان دس تروى نمركانتيان دتروى نقليلان .
العادة تنشر اماروا غال ايولوا اغرمان اضضنين بالخصوص تجننت دتغردايت ابدان دغنتنين اتسدجان لعراس انيغلب جرون دس جار سمس غال مراو نسلان
توني دقت العادة توحديت بالخصوص اوقليل الان اتاف امانس اتاتف مع اضضنين ساعات اولتخلص لا دشرا تاتف العادة نودتشل دوعاون دشمر انمدان بعضهم.
