سال يا قلبي غربة لوخية وبكاها
سال يا قلبي ع الولف بعدو جاني…
سال على دمع غريبة لا من واساها
سال يا جرحي من همومي بركاني…
سال ع لوخية قلب الود بغاها
سالي ع المحبة ما تقوليش نساني…
سالي ع الأصل لفحولة واش وراها
سالي ع القلب لي قايل فيك معاني…
سالي يا لوخية معزة القلب اوفاها
سالي عل الحنانة غدر الدنيا فاني…
قالت عزيز الدار نيتك من حساها
وبدل فيك لحسان من غربة اوطاني…
يوم ماكنت صغير ضحكاتك مبهاها
كنت عليك نغير خيفتي من عدياني…
السنيتك تكبر وعيوني زاد زهاها
وعلاه يا الحبيب لعزيز اليوم جفاني…
من وحشك يالوخية النار لهب ٍقداها
من غيرك يالوخية القلب عليك يعاني…
