بين الرملة والحجرة جات المذبالة
خرجت من غيران تمشي وبشويا
بطريڨها شڨت حسبت روحا جوالة
ڨالت نمشي الفجر نلحڨ صبحيا
بين الحيطان ندخل والروح ڨبالة
نعرف مرادي ضركا و ندير مدويا
الليلة نعرف من هي مولات الدالة
نكويها بالسموم تدخل في عجبيا
مانعرف غيرها ما نخير من والة
و نخلي الدوني والغالي يهدر عليا
نحوس بين الناس نعمل شقلالة
وما نخليش الغير يسشفا فيا
جيتها فالمنام نفهم ڨلت نت لا لا
ڨالت نتا واعر لاااااه تحڨر فيا
من دون الجيران سقسيت التوالة
شوفتك غلطانة ماعجبك فيا
عمري ڨست حد ولا اذيت نمالة
والكل يعرفني أنا مولات النيا
لا كان هذا قدري ما نڨعد في هالة
نعرفك يارفيڨ مولانا بعثك ليا
ڨرب ليا خوذ روحي وتعالى
وبلغ صحابي وخوتي ومَّاليا
لكان هذا مكتوبي الموت سهالة
يرحمني ربي ودعوة من والديا
ڨلت هذا نهارك ماتكوني بدالة
اليوم راه حزين دنيا كلها مبكيا