فاضت الكبدة عليك لميمة
ميمتي نتيا عزيزة الدار
ضاقت الدنيا الظلمة ديما
الغصة تحرق دموع بحار
كي كنتي كانت التبسيمة
ضحكة عالفم القلب زهار
مشية يما فالبيت زعيمة
في كبرنا وكي كنا صغار
هزت علينا المر والسقيمة
كلات الجوع شربت لمرار
تجمع بيناتنا تنشر لحميمة
نخبو السر نحفظوا لسرار
وينك يما وينك يا رحيمة
وين حجرك وصدرك لعيار
نشكي للغير شكواتي عديمة
غير قلبك يقبل واش صار
خليتي الدار قعدت يتيمة
بلاصتك تشهد غفاو لشفار
ريحة يما ف الجد قديمة
ريحة لمدينة ريحة الدوار
حزني دايم ما تروح الغيمة
حزني غرامك ما هو شي عار
ندعي ربي ونلقى لحليمة
صبري للجنة و تفرج لبصار
