عجيب أمر الليل حين يرخي ظلامه
ندور النور في عباته ونلعن الظلام
وإن طافت خيول الماضي في أحلامه
نلعن نور الشمس إن غازلت الأحلام
نعيش الفرح والحزن في ظاهر أيامه
ونذوب في دروب الشوق خلف الأيام
ننكر الصدق ما نصدق رسايل كلامه
ونعشق وهم الوعود في كذب الكلام
نكرم من قطع بسكينه حبل أرحامه
ونبتعد عن إللي عَز بوصاله أرحام
يا ليت الليل العجيب يسكن خيامه
ويردد صدى القوافي فخيوط الخيام
يا من غيابه حضور ف غيابك غمامه
أنا إللي حملها الشوق ع كف الغمام
يا ليلي العجيب لا تخفِ عني سلامه
وتفرد جناحك على خلٍ لا رد السلام
