يا ولدي …
عمرك عند الله غالية
ما يغويك حد شي بالدنيا
ما تخليهم يلبعوا بيك ولو ثانية
ما تديك البحور الهاوية…
يا ولدي …
في بلادك عايش حياة هانية
بين أهلك كل دقيقة فيه زاهية
يا ولدي …
كلام الناس كله كذوب…
ما يخلوكش تأمن بالمكتوب
وتشوف عيشتك بيها العيوب
واللي راحو قبلك مرتاحي القلوب
ياولدي …
راك تغيب شعال وتبكي الوالدين
يتعذبوا بسبابك لسنين الجايين
ما يرتاحوا من بعدك ما يعيشوا هانيين
يا ولدي …
نوصيك ما تخلي بلاصتك يالغافل
أحمد الله وقول بينهم راني هايل
مادامهم موجودين وبرضاهم نتعامل
يا ولدي …
واش أداك عليهم وتكون في لاخر هامل؟
خلي الخير في وطنك. ومع أهلك تتواصل
الإهداء: لكل من فقد فلذة كبده في الهجرة غير الشرعية
