لا تعتقد السّكوت هيبة نحترمها
أحياناً بعض السّكوت أمر محسوم
ما خاب صاحب مبادي ويحترمها
ولا بارك الله ف شايبٍ محروم
مكاحل ما تنطق ولو المطر طمًها
لكن ان جا طاريهم تنجلي هموم
وناس ذكرها بين يازين عدمها
ف صمتها غم وهرجها ما له لزوم
وعطورٍ ف عطرها سم لا تشمها
لون الجمر حمر وفي قلبه حموم
لا كل من ضحك وهز راسه فهمها
ولا كل من عشق واشتاق بمهموم
خلًك مع اللي كف دمعتك وزمها
وابتعد عن شاعر يحاتي النجوم
يا كثر جروح النفس لا جيت ألمها
بعمره الزمن مالملم جرح مهموم
ويا ذلة النفس لا كبر يوم همًها
كنًها جبال وفي بطونها سموم
لا تعاتب واحتسب وأنسى ظلمها
ما طال صيف ولا طال شتا وغيوم
حنًا ما نسينا المآسي وعلمها
وان تطاولت وشمًخت ما ادوم يوم
لكن المودة آن طالت صاب سهمها
أن خليتها ما نفعك ندم…ولا لوم