اوفينت لعوايل انلوراس امقران ذي العوطلنت نتفسوث افلفرصت تامقران خاطر الدريث انسنت اذقرانش بشام اذروحنت غنلهلانسنت انيغ اذرقنت اذحوسنت قلي وألانت لعوايل اقلا تحبانت اذروحنت غنلحماماث بشام اذداونت قلي سيرتو الحمماث نالصالحين اقلا اداون سي لباس انلمراض الهو انيغ الروماتيز.
وقبل ما اهذولان اقداشن عنتمدرسوين تنظامنت الجمعياث انيغ اتروحانت ذي لعوايل غلحماماث ذي الرحلاث سيرتو اقرقازن ذالخلاث امقرانن اقلا ذامريضن ولباس انلمراض اقلا تافن ذقروحي نلحماماث ذي العوطلنت نيور نمارس الفرصة بشام اذداوان، و نوفا لباس لعوايل انلوراس امقران، اقلا تخايرنت كل اسقاس العطلت نالربيع الحماماث يحمان ذمكان يحلان غرسنت بشام اذبدل الجو وأذسرذنت إخسان انسنت ذقمان يحمان.
أتاسد الحماماث نخنشلة انيغ أيا نتلاغما أنيغ نبسكرة ذي الحماماث أقلا أذتفراطنتش ذيسنت لعوايل انلوراس، سيرتو أيا أقلا غرسن طموبيلاث وألان حتى أيا أقلا تغمان أوسان كامل سيرتو ماني إوفين أمكان أذلتلواث بشام أذطسن، وحتى لعوايل أقلا أغرسنتش طمويلاث أوفينت ذي الرحلاث اقلا تنظامنهنت الجمعياث ذالفرصة بشام أذمجمالن وأذروحن، ما ني إنسقسو لباس نالجمعياث اننتانغ بلي العطلة انمارس نتاث أقلا تقاونت ذيس جملنت لباس نلعوايل وتاونهنت الحماماث، ماني إتمفراقن لخلاث وحذسنت وإرقازن إيذ ندريث انسن وحذسن وألانت لعوايل أقلا تخيارنت الشنابر بشام أذافن الراحث انسن مليح.
ونسقس قلي أنلعوايل اننتانغ بلي تحبانت الحماماث خاطر ذالفرصة بشام أذقسنت لهوى ذأسميط أقلى يعداهنت ذي المشتا وأذسيزلن الدورة الدموية انسنت وأسلخسن إخسان أنسن، سيرتو ماني إتوصان إطبيبن نالوقثاي كامل إمريضن سلهوى ذروماتيزم بلي أذروحن الحماماث خاطر اطبيبن اقلا اقرناسنت.
