المعهد نوغرم نقرران دقن سغربازن ازعلاك تمو نتنري اتورزم اسقس  1925م /1343 ه  سوفس نالشيخ بيوض اتاتف انداه ايبدى دس اسيفاو نالحالة  دحارب نالجهل ايتوغ ينشر اغزر نلمزاب اسقسان اقضعان.
اتوسمى ابدى امزورا المعهد نمكراس امبعد اتوسمى معهد الحياة اسقس 1937ابدى امزوار اتوغ اسعزام غير الشريعة دتوتلايت نتعرابت دفر الاستقلال ندزير يبدى استف نوهيل نغربازن نالرسمي دبسون اتوسعزامان اغربازن نالدولة  سالمرحلة نالمتوسط غال الثانوي غال الشريعة مان انلمادن تاويند اش اسقس  تضفوين توحديين المتوسط دالبكالوريا.
المعهد اسوفغد المدة 57 نسقاسن للوف ننلمادن دالاطارات سجاج ندزير دوزغار اتاسند سايولوا تمو نوزغار افريقيا دتمورا تعربين .
اناف اماس نالمعهد اقت تضلست ايتزعلك تشمر اجار 10 الاف نلكتوب  دالمخطوطات نقاع لرهاط نالفنون نوعزام تاسناسد يغلب ندباب نوعزام  بالخصوص انلمادان سلمدان اتافن قاع انغسان المكتبة . توني زورنت يغلب  نماسانان انالشيخ علي يحي معمر دالشيخ علي دبوز دمناو انعزامان اضضنين.
اغرباز انجم بالخصوص امار نالاستعمار باش ادسولغ الدين دالشريعة دوطوف دالمذهب الاباضي . اماشي انجم دخ باش ادلمدان دس للوف نمكراس التكوين نالشريعة اسوفغد اروان دمصوردى ددباب نالعلم دوعظ انشران دايولو اغرمان نغزر نلمزاب دوارجلان دغرمان اضضنين ندزيرمان ايلا دس تدار نالعرش اغربازن دغربازن اضضنين الان اغلان انامعهد نالاصلاح دالمعهد نعمي سعيد نجمان باش ادوان اقثت تكيردة ايتزعلك اوتلي انشان وضضن.