تنري دتوعري نتمدورت اغلان يجو مدان اتشلان فماننسان اتعافارن خدمان باش اددران اسبسي نبسون دالتاولات الانت ادروس بكري.
توات اتمنان بل اخدام دالعبادة اناف ايولوا مدان ارجاز تمطوت خدمان اتمعاونان ارجاز ازغار تكرزت تمطون تدارت اتخدام ازطوان دزرابة  اقاع التاولات ايسحقان مدان تمدورتنسان انتشابرين دتقاشابيين دسرويلان  تيزيوت سمزي تلا تسلماداس ماماس ازط اجني الام نالضوفت دوجد نالعولة انوملاشاس لاش امار انغ الوقت دالخرق قاع ابسون انتدارت اتوخدامان سوفوس نتمطوت دقن الاقتصاد دوسمنكاز نالدرج فورجاز الان اصراف ادرمناس اشرى وضضن دبسون نتمدورت.
الاقتصاد اغلان اتوزون جار ورجاز دتمطوت الان اخداماس بات اتصراف اترواس ادورجازس.
تمطوت اتوغ اتخدام تقريب فلحساب نالاحصائيات بكري لجوايه 70 الف نالزربية اوسقس اتوخدامات سوفوس انسا انللوف نتمطات اتوغانت ندهنت خدمنت ضدجيض ادقس.
ادقم امارو تمطوت تلا اتدر اقن العالم وضضن دجديد اناف ازطوان اتوتسان استدار اخدام امونكاز يغلب تبورخساتين لاش غرسنت  اقت الصنعة نوفوس بالخصوص ازط ادقم غير دمناوت تدار الان زذغ اطفانت دس تواشولين تكبار.