اتهلى دوقابل نتزدايت اغلان الجي يزهل امار اناف يغلب ندباب نلغوابي  تشتكان القلت نوف نحد باش اديلي تزدايت انغ ادياجل انغ ادنكض تين ، دقت  الحرفة تدجور تقضع تلا تهدد ايمال نتزدايت دالوجد نتيني اغلان ،امكراس نماروا تخيرن الحرفات تضضنتين الانت زهلنت دسنت اريال يغلب.
تغوس نوقابل نتزدايت دوتهل دس اتقم مناو ايارن اولجي غير امار نوفراق انغ الوقت نونكاض مان اكرزان دباب نتجم الجي انتنين اتقابلان تزدايننسان اتاونداكرزان سوزغار نالولاية اماشي يلا الحال اغلان يغلب ندباب نتزدايين ستم ادرار دتميميون ساعات لاش وس ادنكض تين ساعات مناوت تزدايين تقمانت  الطول نوسقس تين تزدايت.
الحرفة دس يغلب نالاخطار مان يغلب نكرزان اموتان انغ توعوقان دفر اوضننسان سوجانا نتزدايت بلا اقن الضمان اماشي يلا الحال المهن تضضنتين القانون اترى غفسان. ادباب نالحرفة غرسان يغلب نتنين اسوتورنباش الحرفة اديلي غرس اقن القانون انالحرفات تضضنتين.
افكر اوكون نمكراس الاي دوخدام نتزايت يلا يدجور غرس دسقسن مان فلحساب نا نولاي تزدايت دوفراق انغ انكاض نتين مان يغلب تقمان اطفان دالحرفة امبصح لمثال المعهد نعمي سعيد اتسادج مناوت الدورات نوكون نمكراس الكيفية اولتكفي دسات للوف نتزدايين اغلان .
قزريط محمد اقن سودموان نتدشلا نوحافظ فتزدايت تغردايت اوالس اند بل  ادباب نتزدايت دكرزان تمرقدان يغلب فنجال نتوعري نوخدامس مع اومنكز نالتاولات نوخدام نتزدايت مع لغلاء نسوفار نوداوى نطانان بالخصوص مع ونشار نوطان نالبيوض الان يهلك يغلب نتزدايين اغلان دمناوت تمو تغردايت.
سمكراس اتوغان ندهان تعافران اوحافظ فالحرفة الشيخ نات موسى ايموت اسن24 جوان 2012 دقن سمجاهدان نوغلان يحرص اخدامس انده يد تدشلوين انجم ادسوض الحرفة غال يغلب نمكراس الان اماروا دجورن تعافران سسان ممس العمرس اماروا جار تام دسا نسقسان.
اونسونجم بل دزير يلا دس 4.7 مليون نتزدايين تاروانت اتاس الولاية نتغردايت دفيدسنت بعد الولاية نبسكرة الغلة نتين دزير.