بتوتنت لعوايل أنلوراس امقران، أم باثنت، أذخنشلة، أذام البواقي، عصرنت الزيتون، ذي لمعاصر واتوعانت ذالزيت زيتون، ماني إثتقنت إدواء إلمراض لباس سيرتو إلمراض نوعديس ذالدريث إمزيانن.
أقلى ألحيز أنسن لولن، ثقارنغ الحاجة صليحة أقتيلين ذي الدوار أنغاسرو ذي تيلاطو ذي باثنت، بلي نتا ثدريث أنس أتسلاثين أنس قلعنتيد الزيتون أقلى أزنت إيناط، وقينت ذإقصنداق أو مبعد أوينت بشام أثعصرنت سـ10 إلترا ثيشت، خاطر اتحواجن ثروانس لباس سيرتو ذي المشتا زيت زيتون سو إلماكلت أملعيش ، انيغ ذي سلايت، انيغ ذأشخشوخ نوغروم، وبلا الماكلت، ثقارنغ الحاجة صليحة بلي الزيت نالزيتون انفع لباس ذس لمراض، ماني إثحلى أتيسو بابنس صباح ربي فالفراغ، خاطر هستصفا الميعدة مليح، واتكس سيسي لباس نالميكروباث، وثتواتش ثاني ذيك تصبيح إذنتملالين، إيقلا أتتحبانش وحذش، وثقارنغ بلي نتاث ثاروا انس ثسقعمريهن كامل سالزيت نالزيتون.
وخاطر لعوايل اتحواجنت لباس، لازم امين إثقار الحاجة ثليحة، اتزرذ مليح وافهتسغذ بشام أشخدعنش، خاطر ألان أيط أنلعباذ أهنهدا ري، اتخلاط الزيت نالزيتون، يذ أنوامان، ساعات، وأتتراقش مليح، اعليها، لازم أتسغ فالفلاحين اقلا غرسن لجناناث.
وحتى إطبيبن نالوقثاي أقاري إقمريضن انسن لازم اتسو قلي نالزيت زيتون، سيرتو إقمريضن نعديس، ونخس انيني ذاي بلي لعوايل انلوراس ذالدزاير كامل اتحواجن واتحبان زيت الزيتون، انلوراس سيرتو ثا انبومقر، نقاوس، سفيان، بريكة و إموكال، خاطر تا تامورث أنس، ألولاياث أنلقبايل أمقران.