رمضان حمود بن سليمان بن قاسم ايلولد اسقس 1324هـ – 1906م اغرم نتغردايت الوالدنس اتهلان سس يغلب فنجال نتحذقي اغرس دتونجمت دقت القدرة نوعزام سيتوغ دمزان.
مامس اتوغ اترابات فالدين دتقدي نيوش امقران ال اتيوي باباس غال غليزان مان اتورب دن جار ارجازن ال اديوض امار نوعزام استفت باباس اغرباز نتومان مع استفاس اقن اوغرباز اوحفاظ نالقران يد اقن سسلمادان نوغرم نغليزان المدة تزعلوكت.
بعد مناو اسقسان اعاود ادوال غال وغلان مان يوتف اقن سغربازن نالقران يرني اعزامس دولماد نووال نيوش امقران.
سوغلان اسافر مع باباس غال تونس مان اكمل اعزامس دولماد المدة انسن اسقسان امار اتوغ تونس دنشان ندباب نوعزام اتاسناسد سايولوا تمورا تمسلمين.
رمضان حمود اسلفاد اقت تدشلا يد مناو امدتشالس مان تملاقان فمار اوشمرس اتيرى نالشعر دالادب.
بعد مناو اسقسن اوط غال وغلان مان يوف الحالة نالدين تسوقود فنجال نونشار نالجهل دالبدع اماس نمدان يبدى اخدم انده اسفهام مدان سالخطورة نمناو ابسون الان ادجوجن سالدين تاوين غال تمسي.
تمدورتس يوري مناو لكتابات يوري دخ يغلب نالمقالات الجورنال نالشهاب ووادي مزاب اتوغنت توصودوف اغلان.
اسقس 1929 لجالس اوض ختن يتوغ العمرس 23 نسقسن يوظن سوطان ندماران – السل- اويت يوش امقران دلمانت غرس .رب اترحم يرحم قاع امسلمان.
