تمطوت توقغارسانت غرس انشان ايزعلك اغلان غرس فوس اعاون انورجازس دوبدي ادس اموني اسوخدام دوعافر اوجم نالاقتصاد انتدارت ادالاقتصاد انوغلان ، اخدامس اضرى اماس انتدارتس تدجوج ستطاوين دتمشراس انوغلاد .
ارجاز اتناف تحنوتس انغ تجميس اما تمطوت تلا اتجاهاد تدارتس اتناف اتبد سا غا اديلي واس قبل انتزاليت تلا اتوجد لفطور قبل ما ادفغ ارجازاس غال وخدام ترواس غال وعزام.
اتناف اماس نوزط اتزط اسوشى ادلحنابال نتقاشابين تشبرين مع اجني نسامورا اتوسحقان تدارت. اتناف تلا تحرص اتوجد العولة انتجرست امغ العولة. اقدى نيور ارجاز ادياف الراحتس تدروسي انلمصاريف .
توني تمطوت انوغلان تمطوت نات اغرسان توظهيرت تدارتس تدجوج استطاوين دتمشراس انمدان .الان يغلب انمدان زذغ اولسينان ازال انغ القيمة انتوقغرسانت الان تطف دالدينس تصبر تدارت تحفظ الشرفس دالشرف انورجازس اتنجم اتستشر ارجازن الان امارو دالاطارات دمقرانان اطفان اموشان دكل انشان.
يلزم اسولاغ نوبريدو غال اتمزانين امغر نالوقت اولرحم دفر احبو انيغلب ايسون فوغلان الان اوسيند اسوزغار .
