اغرم نقراران يدجوج اقت 70 كلم غال تم تشرقيت نغزر انلمزاب .اغرمان امزوار اتوبنان دس اسقس 1580 دين اغرم لمبتخ دوغرم ازقاغ .
اغرم انلمبرتخ اتوبنى دنج اقت توريرت فدس نتجمي انفوساعة ايدر نغزر انزقرير اولدجوج يغلب سوغرم نقراران الان اماروا. اماسان اقارن بل اغرمو اتوبنى دفر 25 نسقسان بعد امرارة نوغرم ازقاغ.
اغرمو عمرنت يغلب انتعشرين ادوسنتد ستغردايت دات ازجن ادبرقان دغرمان اضضنين.
تميو اسقضعنت اقن امار ايوعر انالقلت انلمان دتقدي دمنغان جار تعشرين اولرقبنت لهناء ال اسقس نومرارة نوغرم انلمبرتخ اسقس 1630م .
اما اغرم ازقاغ اولدقيم دس اقن لثار غير مناو اضغاغن اتوبنى قبل لمبرتخ سقت 25 نسقسن. اغرمو اولعمير يغلب اسمدان ادوسين سغزر انلمزاب.
مدان اتوغان عمران سن اغرمانو اوتفان غال اوغرم نقرارن بعد امصالح دومفهام اضران جار تعشرين دوصافا نولاوان اجوران مدان فمارا غال اوعمر ادوخدام نتكرزت دحوباس انومان دترجوين نجمان باش ادسلين اقت تغرم ايتزعلك تنري اقارناس تغرم نات اغرسان.
