بكري توغان مدان انوغلان دغرمان اتربان اتغات تدار ادوماس نتجموين امغر اتغات اتوغ دقن المصدر نالقوت اتيش اغي ادويسوم لاش اغي اناز ذكل انشان انماروا مان مدان تركان ارب نتغات تدتلا انغ لغوابي.
سبسون اوحديان اتوغان اتوسان اسس اغلان دين افوغ نتغات غال تنري مع الحراق ايتاس اش غبش اتزاقا لتغات اتغات انغ لمعيز لمعيز مان ادباب انتدارت ادسيبان اتغاتين اغرسات
ادقضعانت طول غال وماس نالراعي اديوس افوغ نوغرم مان ادجرونت قاع اتنيوي الحراق غال تنهري اماس نترجوين دشعوب ادعلفانت دوحدي ال تمديت.
تمديت مع وتاف نالحراق غال الراعي اش اتغات اتقضاع وحدس غال غرسنت اش اقت تلا تسان تدارتس بلا اقت وعراك ميتوض دسات اتوورت اتبدى تشات توورت سوداغرس انغ اسوشاوس ال اسرزمان ادباب انتدارت اتقضع طول غال ونشان الان دونظيف.
بعد ومني اتوزاج اسوشان امان ادلمعاش انتدارت ال اش اتعاود اتقضع غال وسراح .
الفايدة الان اسراح نتغات صحاري ادس قاع لحشاوش ايخلق رب دسن الفايدة دتزمارت ايتغات دبنادم اتيش اغاي اجار نتغات اتقم تدارت.
تدارت اناف دس سن اموشان نتغات انشان اماس انتدار اموني ضدجيض ميلا صماد تجراست ادونشان وضضن تمنايت اتقم دس دقس ميلا الحال دوحدي تفسوت امغ انفدوا.
