ثتواشهر باثنت ام لباس نالولاياث ذي الدزاير كامل سخذام نزيت زيتزن ذي ثدار انيغ ذي المعصراث سيرتو ذي الوقث نميرا ماني ابذون افلاحن امكس نوزمور سي غ سطا، وسدعدا أمنزوث نسقاس وثرني ثوثا النوث مليح قبلن واقلا ثزرب ثنانيت نوزمور مليح ذي ثمورث انلوراس أمقران.
أبذونت لعوايل ذي باثنت أذخنشلة ام البواقي، اذقالمة، تمجمالنت بشام اذقلعنت آزمور سي غ سطا واثقنت ذي إقصنداق، بشام أثرحانت ذي ثرحاين انيغ اذخذمن الخالاث ذي ثدار وأذولا ذالزيون نالماكلت وتقنت لخذمتاي اقلا ورثنت فلجدود انغ بشام ادسعدانت قلي نالمصروف واذقنت الدوا سزيت آزمور .
العادث اي ثحلا لباس خاطر ثتيلي سالتويزة ماي غتمجاملنت لباس انلعوايل نهنتين ذالدريث انست واذمعاونن بشام أدقلعن آزمور ، وكل لخطر تممالن ذي لجنان أنيشت، واتثكفل ثيشت سي لعوايل وأسنتق الماكلت نالغدا أذلعشا سعات بغير أذطولن، وإرقازن إمقران أسنعاثن غدريث إمزيانن مامك ادقلعن آزمور بلى مهثفيان، وتوتشن إطل ييشت ثجير تامزيانت بشام أتقلع كامل، وبغير أذكمل تلومان ازيتون ذين ذي إقوجا ثمقرانن واتخيارن وأقحلان أتقين إيس الزيت زيتون، سيرتو ذي سفيان، نقاوس، بومقر، اولاد سي سليمان، راس العيون، ..ولباس نمكان ذي باثنت اتزون إي سطا نو زمور مليح ، وأمبعد اذاوينث ذين غنترحايث، وأسنترحا والزيت يتون أمين إغنقار الحاج محمد نتاث ذالدوا يحلى مليح إلباس انلمراض، سيرتو أسميظ وثزلا نوعديس ويحلى مليح ذي الماكلت انيغ زيك نتصبحيث فالفراغ، إشفا لعباذ سي لباس أنلمراض.
و آزمور أقلى أذتورحيش تقنت الخلاث ذأقمان وأسقنت قلي نتغاوسوين أمالخل أغلى ماني هثخبشنت سخذم وأثقنت ذي ثبدان واستبدالنت أما كل يومين ثلثيام، بشام استموكس ثرزاق ذين أنس، واغلى نيور أمين اذبذونت لخلاث اتكسنتيد أسيس إلماكلت ويزيط لباس سيرتو ذي المشتا.
وكيعاد آزمور نتمورث انلوراس يحلا مليح ثعقب الشهرة نس ثمورث انلوراس ويخلظ بغير الغرب وحتى لقبايل.
