اقدى نالقرن فيد 19 ادوبدى نالقرن فيد عشرين مدان اتوغان اتسافارن جار اغلان دالظهرة اتوغان اتسافاران سيلمان دالكاليش ايتوكارا سياسان
اسافار يتوغ يوعر امش مدان اتوغان اتقمان ديارن ابردان فنجال نالقلت نالوجد نبردان اوحديان انماروا انغ الاخطار انوبريد انيسافان اتوغان رجلن ابردان انغ اضرى نقت تواغيت .
مدان اتوغان اغسان اوط سالظهرة غال وغلان اتوغان تطفان الماشنة سوماس ندزير غال البرواقية ايتبدى ابريد اتوطان مدان رنين اسافار سالتاولات تضضنتين انالكاليش ديلمان .
سوغرم نالبرواقية اتبدى اقت المغامرة تضضت نوسافار غال وغلان دتوعري نبردان سالكاليش ايتشمر 30 نرجازن المعدل نتسابقت 07 كلم اياالساعة.
اش 40 نالكيلومترات انويجور ادبدان ادريحان ادوسبدلان اياسان سضضنين بات لاش ادمتان ابريد ساعات اتوسبدال الكاليش اماشي ايلا اموني تم اسقاران عين لعبيد الولاية نالجلفة.ابدي فيدسان اضرى تم نعين الابل اوشمر نتكرداوين ادلمانات انمدان اتاسان ستم تشرقيت.
مي اوضان امسافران الاغواط ادوطان سالكاليش الان اولتنجم ادرني ابريداس غال وغلان مان ادعاودان ادطفان اقت ترجافت نيلمان فنجال نالقلت نالوجد انوبريد دوحدي باش اديجور دس الكاليش.
اسافر سدزير غل وغلان اتقم ساعات يور انيضان داجار اموني قبل اقاض نالماشنت الجلفة اسقس 1925 .
سومن بكري امزوار اتوغان اتقمان الظهرة دوحدي دسقسان اسافر يتوغ يوعر مع الاخطار نبردان يلا وس اتقم ابريد قبل ما اديوض غال وغلان.
