ازهانت لعوايل ذي باثنت اقلا تحبانت اوال نتمازيغث، خاطر ثتوارزم أسقاساي اجديدذ ثمدرست تاجديت لخذمت انس اتسعلم الدريث اذلبعابذ اقلا تحبان ثمازيغث برا نتمدرسوين انيغ برا نالجامعيث سيرتو ايا اقلا اسنت وأذخسنش اتقرا ذي مدرسوين خاطر اقعمرن انيغ ايا اقلا اتسيننش طول وثعالمت امنتاث ام اللوغث ثيشت.
وينا الشاف نتمدرستاي زكريا ناجي اقلا اسما ثمدرست انس «ايماجين سنتر»، بلي نت يرزم ثمدرستاي خاطر يوفا لباس نلعباذ اقلا ولان اتحباث اللوغث ذالثقافث انس، سيرتو ماني اتيوعا الرايس نالدولت ذي الدستور انغ ذاللغوث امنتاث ام تعرابث وثولى ذالعيذ نجزايرين اتحتفال ايس كل اسقاس امقاس.
وثتارزم ثمدرستاي اقلا هتسعلم اللوغث ذالثقافث نمازيغن سكلشي انس واتبذو سلحروف امورا ومن بعد مامك اتونطاقن ومن بعد هسنتق حتى ثمورقيث غنموكان انزيك بشام اذهنان مامك اعايش امازغن انغ ومامك الان تراظن ومات تتن بشام ايا اقلا هذقران ذي مدرستاي اذثعلم صح صح اللوغث نتمازغث امك اثلا.
وسمنان بلي هذرزم اذسقران اللوغثاي ابذون اشاوين اتسجالن ذي خاطر ههنسقران المعلمين ذالأساتذة اسن مليح ثمازغث وديجا اسقراينت ذي لباس نموكان ذي بانت ام تمدرسوين ذ الجامعة، بصح نهنين ههنسقران قيتش قيتش بغير اذرقن فلاس مليح.
وفلجال نشياي ثسغد ثمدرستاي لباس نمتريال ذاجيذ اقلا هذقوان ايس اذسعلمن اللوغث واتوشن ايا اقلا هذثعلمن غرسن خاطر ههنسقران سووالن وسسلاين ومامك اتونطاق واذرنين اذهنان مليح ثقافث نمازغن
