يوعاد اسقاس العيذ نلخلاث ذي الدنيث كامل لحراير انلوراس امقران غنتضحياث اقلا اوشينهنت الخلاث انزيك ذي ثمورث نالجزاير سيرتو ذي ثمورث انلوراس امقران اقلا ثتواسن سمثلا سلفحوليث ولقوث وابدي امرقاز فلجال نلعيلث انس وفلجال نتمورث انس.
لحراير انباثنت ضحانت زيك زيك خاطر ديما اتبدانت وتعاوننت اوماثسنت ارقاز ذي الدواور اقلا عاشن لمناكر مالاستعمار نفرنسا اقلا ثلا اثنق الخلاث قبل ارقازن خاطر ثزرا امكان نتمطوث مليح مليح ذي الثورث، ماني اثلا ثطبخ وثسراذ وثداو وثتفوكا مليح المجاهدين وقبل ايا ثلا الكاهنة واغلا ان لالة فاطمة نسومر ومن بعد ثرقد مريم بوعتورة وزيزة مسيكة اقلا اولينت اذورار ورفذنت السلاح واسنعثنت اقفرنسين مامك ثمطورث نالجزاير وثا نلوراس مامك اثتولى ذار بغير ادياس حد اسياوي الحق انس انيغ اذعفس فتمورث انس.
واغلا نالاستقلال ارقينت الخلاث كامل ازهانت وبدت بشام اذبنانت الجزاير واثعلمنت واقرانت واسقرانت وربانت واسقعمرنت الدريث وارقازن اقلا اميرا اهناي اورون ثاني الخلاث ذلحراير شرفنت اميرا ثمورث انغ ذي مونكل امكان، ماني اولانت تطبيبن وتبولسين وتجدارمين واطرانت ثطايرين او ولانت ذالميثال يتواوتشا ذي الدنيث كامل.
وسملانت ثجزايرين ونهنتين اخنفاف انسنت ذقجنا خاطر الدولت انغ ثوشاسنت الحقوق انسنت اقلا اشاخ فلاسنت القران الكريم، والولايث انباثنت ام الولاياث كامل ماني احتافلنت ثشاوين سالعيذ انسنت ذي لباس نبلدياث ماني اوكرمنت فالجال الشيء اقلا توتشنت ذي لخذمنت انسنت كل اسا ام نهنتين ام اوماثن انست ارقازن.
والشي اقلا امفاهمنت فلاس ذي شاوين ذي العيذ انسنت اسقاس اقلا يوضود ذي الوقث ماني اثزرا الجزاير المسيراث اقلا ارقينت ذيست بشام اشخاخنت فاسعذل نتمورث انغ انانت بلي الجزاير هتقيم ديما ذقوول.
