امزوار اخممان اوستغلي  انومان نسافان تغردايت دين الشيخ بامحمد بوسحابة اسقس 1273 يوسد دفرس الشيخ حمو ولحاج اسقس 1707 يرني اخدام ادوبنى نترجوين دوسقم نتصنباظ باش امان ادلين ادجورن غال وماس تجموين اوسسوي انلغوابي سقت الكيفية انغ سقت التقنية بارن دس اماسان انضان غال تم انوغلان .
اقت سمس نالكيلومترات ستجم نتغردايت غال تم نوجانا تم اسقارن املاقة دن ابنان دس لمنافاس انغ تصنباظ نوزوني نسافان الان دنشان نوملاقة نغزر انلعذيرة ادواد لبيض اتوزنان
فمناوت تمو ازجن  ادوطى غال  ترجى انبوشمجان ازجن وضضن  ادوط غال وحباس انبوشان الزايد ادوط يد اغزر انلمزاب ال تجننت داجار.
امان امزوار ادوطان يد ترجى انبوشمجان ال تم نتصنباظ اسقارن لمنافاس  ادس شارد انتونتاوين اتاوينت امان نوسوف غال مناوت تمو تجمي .اقت  تونت  اتقضع غال تم انبوشمجان تونت تضضت غال الشعبة تونت تضضت غال تم تغربيت.
لمنافاس انغ تصنباظ اتوبنات دقد للوف لطنان نجدي زذغ الانت اطفنت غال امارو بعد اسقسان، اتوبنانت اسوضغ دالجير الان ادقلد دضغ بعد 40 نسقسان .
اماشي اناف اجانا نتصنباظ افورناون انغ اولونان اساتافان ازوو دتفاوت غال وماس نتصنباط  دقت التقنية باش تصنباظ اولتقسنت سالقوة  انومان دقن وبريد دخ باش لومن انومان ادنجمان ادوطان اسس اوصافا نتصنباط  سجدي دتوفاوين دضضغاغان دبسون
ادتاوي سوف ادس سوماس انتنري.
تصنباض انبوشان اتاتفنت التراث نغزر انلمزاب الان دقد الحماية نتمجورت ناليونسكو.