مع وتاف نيور نوزومي تمجدوين انوغلان اتشاشانت ارني دسنت اعزام نالقران دواعظ الان دقت العادة توحديت اموني ابدى انوعزام نالقران الان يدجور المدة انشارد نتمروين انوسان اولتبدي غير امار نتزاليت انغ اواعاظ .
تقمتين انغ لمجالس اتوعمارنت سمكراس اروان دمصوردى دنلمادان ارجالان ختمان القران حضران المجلس يد امقرانان الان اسلمدناسان السيرات انوتاف المجلس ادوعزام نالقران .
توني دقت العادة تلا تدجور سبكري اغلان مان تدشلا نعزابان تجبى فلعراف انغ القوانين نوسجوري دوقابل انلحبوس نتمجيدا مع اسحفاظ دوسلماد نالدين دالشريعة ايمزنان دنلمادان اموني اغربازان انغ المدرسة نالقران الان دنشان انوحفاظ انووال نيوش امقران.
العادة انوعزام دوزوني نالقران يدجور اولجي غير يور نوزومي اعزام اولتبدي الطول نوسقس اغلان اناف القران اتوعزام تمجدوين جار تسمسين دتنيضاس اتوختام اش اسبي.اماشي اتوعزام دقاع المناسبات انلعراس اجراوان دكل انشان تمدورت نات اغرسان اتوبنى سالقران ادووال نيوس امقران.
اغلان اتناف يناض سقاع الاولياء اتونضلان اديسان نوغرم دقن لحجاب باش يوش امقران اديار لبلاء دوشتمان فغرمان اموني ستوتروين دالقران الان اترى يغلب افوغلان ادمدناس .
