باعامر يحي اقن سمقرانان نات اغرسان ادجو انشانس امزروي انغ التاريخ نديز سوبدس اودم نالاستعمار يد مناو اخدامان ايدج تمدورتس .
يحي ايلولد اغرم نات امليشت يولي غال دزير مان يخدم تجارة ال اسقس 1919 دفر اتسوفغ فرنسا القانون انوخدام نجزائريان العسكرسوغيل اتشران ات اغرسان اسن سمس مارس اسقس 1921 اولقبيلان سوسقضع نات اغرسان العسكر ادجين اقت تيجوريت ايتزعلك اغلان ادزاقان سالقلت انوقبالنسان القانون اجديد مان الوالي ندزير يوزن اقت ترباعت نالعسكر نالسنغال ستم انبوغار المدية غال وغلان اوقدى فالتمرد نات اغرسان سوغيل.
يحي باعامر بعد ايسل سالخبر اجديد ايسافر غال بوسعادة ما ن يملاقة دس ممس انعميس باعامر سليمان بن ابراهيم الان دمدتشال ناتيان ديني اخبرت بل الحاكم نفرنسا يغس اسضورت انمدان دوسواغ نالحالة سوفوس نالعسكر نالسنغال .
اتيان ديني يوزن اقن الفاكس تامعالت غال الوالي ندزير يوري دس بل لخبر نوتمرد نات اغرسان دوشمر انوزال اودام نفرنسا لاش اسس غير دالدعايات .
الحاكم ندزير يوزن الامر غال ودوال نالعسكر نالسنغال غال لقصر البخاري قبل اقاضنسان اغلان .
اسقس 1912 يوزن باعامر يحي غال الماركان يغلب انتزدايين الرهط نتزيزاوت اتونكال تم نكاليفورنيا اتنجح اقن ونجاح دزعلوك اتسوفغد اقت الغلة باران دس اماركنيان اوزاناس اقت الدعوة اباعامر يحي اوحضار الغلة تمزوارت انتيني نتزيزاوت الماركان.
يحي باعامر ادقل غرس الفضل نوشاشي انكاليفورنيا سللوف انتزدايين النوع تزيزاوت اتنجم باش اتوي اقت الغلة ايتزعم امغر الجو انوغلان ايروزاد دالجوانتنري ادوغلان .
