تدشلا نومناي نياسان نوغرم نات ازجن اتفغ غال تيفاوت غرس سن اسقسان اسويس اجراو انيغلب نمكراس ددباب اتربان اياسان اغزر انلمزاب اوسون انبعضهم دوملاقة جارسان اوشمرس فتستمشراس ارقبن تمدورتنسان بعد ايتوغ اش حد اتربى انده وحدس.
تدشلا اتسدجا اش المناسبة مناوت انتسشانين اوسشني امدان اخدام انتدشلا ادماني الان اوضان اربى نياسان دالسلالات الانت دزيرالخصوص يس الامازيغي الان الاصلاس تمورت نوجانا نفرقيا اتوغ اتوستعمال امنغان انغ الحروب اضرانت بكري.
اماشي اتوسدج دخ تفسكوين نالبارود دقارابيلا المناسبات ادوسان اضضنين ازوغار نغزر دقت الفرصة امدان ادفورهنتان رقبان حفظان التراث نمزوار.
اماشي ادفغنتد مناوت تدشلوين ندباب نياسان جار تغردايت دتجننت ادبريان بالخصوص امكراس الان غرسان اوول نورب نياسان.
امزوار اغلان اتوغان قاع غرسان ييس تدارت انغ الغابة دقت الوسيلة نوسوض دوشمر دوسافر غال لبرور اموني قبل اتاف نتمجورين غال وغلان ددزير.
