ثتواسن باثنت سمي ثلا سلباس نتغاوسوين اقلا ولانت لصقينت ذيس وعدانت ذي التراث نتمورث نشاوين امموقي نتقشابين ،أتزرباي ذإعلاون ولباس نوروظ ذالقش اقلا اذتوهنا برك ذي مونكل امكان ذي الجزاير واذتوسن بلي سثمورث انلوراس امقران.
وويتموقا القشاي اقلا احكا فزمان ذااقذيم لباس ذي التاريخ نتمورث انغ سدوفث اقلا ثتموكيسد اقخفاون نالمال ذي الصيف ماني اهنجزن بشام اذحماش فلاسن الحال ونتشاخ ذايا فالمال اقلا يتقعمير امولي انيغ افريكن، وحتى الدوفث نخفاون نالعيذ اقلا ثتيلي ذقبضرون اقلا اتفرنت الخلاث اسان اغلا نالعيذ ومن بعد اتكسنتيد واثسيرنت مليح اغلا ماني اثسنشوفنت واذقنت سيس لباس نتغاوسوين يخس ذيمضربين انيغ ذلبصطاث انيغ تسمتاثين وكل حد اتق الشي اقخوص ذقخام انس.
والخلاث انزيك ماني اقلا الخير اطلهنا واذعرمش الغاشي والان لعراش كامل اتيلي ذي الدواور اودوسين لمدينث الانت الخلاث اتمجمالنت سيتو ثعشرين انيغ الفاميلت واذخير أسان ارقنت ذيسن غنغزر اقلا يتيلي يتشور سومان واذقيمن فلجنب انس واذسيرنت الدوفث انست وتاونتيد ذيس اسان بغير اسكملنت ومن بعد اتصفانت مليح واتقابلنت القايلا بشام اتقار مليح ومن بعد اتزوظنت سيزدي مليح مليح ومن بعد اتخملنت واذخذمنت ايس شي اخسنت.
واقميرا ورعاذ الخلاث انلوراس امقران تحافاظنت فلعدثاي نسيرذ ندوفث سيرتو ثيا اقلا غرسنت لفراح هذسرشلنت يسيثسنت انيغ الدريث انسنت خاطر ذي لعوايد انلفراح نشاوين لازم ثاسليث اترق سلجهاز يحلا مليح والشي اقلا لازم اذيلي ذي لجهزاي لمطارح تسومتاثين نالدوفث وامين ارقازن ايسلان.
بصح الوقث نميلا اساغنتيد الدوفث سي السوق واتسرذنت ذي ثدار انيغ تاونتيد ثصفا وثوجذ طولسغنوطراح.
