ورعاذ ذي ثمورث انلوراس امقران الخالاث أقلا خدمنت لفلاحث ذي ثمورا أنسنت نالدوار وتعاوننت ارقان انسنت سيرتو ثيا أقلا ورعاذ اتيلنت ذين ام تمورا انريس نيغ نإشمول وحتى ذي ثمروانت انيغ ذي بريكة ذالجزار اقلا ورعاذ ذيس لحراير انلوراس امقران اقلا تكوتانت واتقنت ازطا وخدمنت ثوظفيست ولباس نتغاوسوين اقلا تفوكانت ايسنت اخام انسنت. ثقيارن ذالخالاث ندواور ذي باثنت اقنهنتين اسعدانت العيذ نتمطوث ندوار اقلا يعدا اسناي وحملنت فلجال نغمي انسنت ذي الدواور لباس نالمزيرة سيرتو ماني اخوصنت الغاز ذالترسيتي ذبريذن اذومان بشام اذقوانت اذربانت المال اقلا يلا غرسنت يخس تقوزات انيغ ذالشياه اقلا تفوكانهنت ذقغي وذي العيذ امقران بغير اذربانت ثسرعوفث ازنوزانت ارقازن انسنت واتفوكان اماننسن.
والوقث نميرا لباس نالخلاث اقلا اقرانت وقينت ديبلوماث ذي السونطراث نباثنت وروحنت غاموكان اقلا اثقيهن الدولت بشام اسنتوشن الصوارد انيغ ذلماشنت امتخياطين بشام اذخذمن سدبلوماث انسنت الانت ثيا اقلا رزمنت ثحونا خدنت القاطو وثيط لخياط وكل ثيشت اخدم الشي اقلا اساعذيت وألانت حتى ثيا اقلا تربانت المال وقينت القرجاث نقوزات وخدمن وماني اققعمر البروجي انسنت ولانت اسخذامنت ايذسنت الخلاث ثيط وهاما واي اتفوكا واي. ثامطوث ندورا ذي باثنت ورعاذ ثقوى واثبد فلجال نوخام انس وثتعاون اواس انيغ ارقاز انس خاطر سمثلا نتا ثتحبا لخذمت نتمورث انس اثفلح ثطزو وخدم اغي ثسروقيليث، وثزنوزا والانت ثيا اقلا خدمنت تطباخين ذي لعرا سماني اثعلمنت المتياي.
