امحروس ابراهيم ترشين دقن ستروى نوغرم نات ازجن يجد اسماس امزوري ندزير دومزروي نتقرالة 1954 .
ابراهيم ايلولد اسقس 1928 اغرم نات ازجن دفر ايزعلك يقضع غال اوغرم نقالمة مان اتوغان الوالدنس خدمان ندهان احرش نتجارة مان يرني دس اعزامس سني يقضع غال تونس ال اديوي الدبلوم انتزمارت .
اسقس 1946 يدولد غال دزير مان يرني اعزامس تزداويت نالطب دالصيدلة ال اسقس 1953 يقدى اعزامس المعهد نالطب يبدى اخدامس امزوار تدارت انتزمارت البليدة يد الدكتور فرانس فانون .
اسقس 1957 مان تقراولة ضد الاستعمار تدجور اتقوى اويد النية نوعاون ندزير يجد اخدامس يولي غال وورير يلحاق امدتشالس الان اتعاونان امجاهدان اموني سوداوى انلمجاريح دموضان.
ابراهيم قبل ما اديالي غال وورير اناياسان ايتغارسان ويسودجومات وال تقلالت غيري ال توي دزير تمنونتس دوسوفغ نتومان ستمورت ندزير.
يقم انده اتجاهاد اورران نالبليدة دتمسقيدا المدية ال اسقس 1959 يتوانغ اقت سمنغان ازعلاك اضران جار اقت ترباعت نمجاهدان دالعسكر نفرنسا.
ابراهيم ترشين دقن سيغلب انتوات دات اغرسان ايبدان يد دزير سبلان تمدورتنسان دويتلنسان عاونان ادزير اموني سوس انوتاف نالعسكر نفرنسا اسقس 1830 سيدي فرج مان الانت مناوت لمقابر غال اماروا دزير البليدة تشور استوات اموتان امنغان يد فرنسا.
